عبرت نامه
اي بشر غافل اولما معنادن
فاصله دوتما نور تقوادن
سن اوزون تاج آفرينش سن
كه گلوبسن بهشت اعلادن
بويني چيگنينده باخما دنيايه
منفعت گزمه بو تماشادن
حقّيوه قانع اول حريص اولما
گوزيوي سيل اويان بو رويادن
عاقبت بير كفندي سهميه ن
طاقه طاقه قُماش دنيادن
گِيت اوخي وصف حال قاروني
گورنجه چيخدي تشنه دريادن
فرصتون قورتاروبدي بيدار اول
باشيوي قوزا بو متكّادن
حقي آختارنقدري عمرون وار
مسجد و معبد و كليسادن
فرقي يوخ هانسي دينه قائل سن
چئخما فرمان حي يكتادن
يازيلور دفترونده اعمالون
ئوزيوي حفظ ايله خطايادن
گونده پرونده وي مرور ايله
گورنلر واردي زشت و زيبادن
جمع و تفريق ايله معدّل دوت
هر نَيي دوت نظرده مبنادن
نمراتون اگر ضعيف اولسا
باشلا تقوا يولون الفبادن
دين و ايمانوين مراقبي اول
چكمه ال كوشش و تقلّادن
الحذر الحذر بو جامعه دن
دولودور قان سوران هيولادن
اژدهالر ياتوب كمينونده
ئوزوي چك كناره بَلوادن
احترام ايله اعتماد ايلَمَه
گوزله ظاهرلري فريبادن
نفسيوي بَنده چَك مهار ايله
كمك ايسته بو ايشده مولادن
ويرسه فرصت سنه مدار فلك
غفلتون اولماسون مُدارادن
هر يالانچي نويده آللانما
گوزله ظاهرلري فريبادن
ناپسندوخطادي،كبر وغرور
صاحبِ بازويِ توانادن
قاضي اولسان گوزل قضاوت ايله
كِچمه بي اعتنا قضايادن
قويما پامال اولا حقوق ضعيف
قورخما هرگز نفوز دارادن
عدلي ئورگن امير خيبردن
ظلمي بي بهره قويدي امضادن
قورخون اولسون خداي يكتادن
يوسفون حقّين آل زليخادن
چشم پوشی ایله علی مثلی
بی شرفلر ویرن هدایادن