«««مناجات ماه رمضان»»»

 

کسمه يارب اليمي گوشه دامانوندن

بي نصيب ايتمه مني سفره احسانوندن

باغليوبدور گوزيمي پرده نامرئي نفس

چيخميشام دايره اقدس فرمانوندن

ياجليلي قاپوا عبد ذليلوندي گلن

گلميشم قسمت آلام خرمن غفرانوندن

اعتراف ايليورم خبط وخطا ايلميشم

بند تکفيروي آچ بنده نادانوندن

سن ئوزون ايله هدايت مني سرمنزلوه

يوخسا آتش دو تارام آتش نيرانوندن

باده وصلوي ئوز عاشقوه ايله حلال

جام صبريم جالانوب سختي هجرانوندن

اي کرم صاحبي اکراموه من مستحقم

الي بوش قويما اولام معجزدرمانوندن

کيميا ايله مس قلبيمي زنگار دو توب

نور توک سينمي روشن ايله قرآنوندن

ماه غفرانيدي خاطيلره ماه رمضان

رقعه عفوي دريغ ايلمه مهمانوندن

ميهمانه بويوربسان کي گرک حرمت اولا

کسمه الطلافوي مهمان پويشانوندن

عمروين قرخ ايلي اولدي سپري غفاري

چکمه ال دامن رحماني رحمانوندن

بيرخانم فاطمه نون ويرمه الوندن اتگين

بيرده غفلت ايلمه ديده گريا نوندن........